Panic Room

Meg Altman என்ற பெண்மண்ணி விவாகரத்துக்கு பின் தன் மகள் சாராவோடு நியூயார்க் நகரில் வசித்து வருகிறாள்.

புதிதாக வீடு ஒன்று வாங்க திட்டமிடுகிறார்கள். ஒரு மிகப்பெரிய வீட்டையும் தேர்வு செய்கிறார்கள். அந்த வீட்டின் விசேஷம் அதில் ஒரு ரகசிய அறை ஒன்று உண்டு. அதாவது எதிரி எவராவது வீட்டில் நுழைந்து விட்டால் அவர்களிடமிருந்து தற்காத்து கொள்ளும் அறை. முழுக்க முழுக்க எலக்ட்ரானிக் செய்யப்பட்டு அனைத்து அறைகளின் அசைவுகளும் அங்கிருந்தே கண்காணிக்கும் படி வடிவமைக்கப்பட்ட அறை அது.

அம்மாவிற்கும் மகளுக்கும் மிகவும் பிடித்து விடவே உடனே வீட்டை வாங்கி வசிக்க ஆரம்பிக்கின்றனர். வந்தது விபரீதம். ஒரு நாள் மூன்று மிக பயங்கர கொள்ளையர்கள் உள்ளே நுழைந்து விடுகின்றனர். அந்த கொள்ளையர்களின் நோக்கம் அந்த வீட்டில் ஒரு கணக்கிடமுடியாத சொத்து ஒன்று உள்ளது. அதை கொள்ளையடிக்கவே அங்கு வருகின்றனர். இதையறிந்த தாயும் மகளும் அந்த ரகசிய அறைக்குள் எப்படியோ நுழைந்து தாளிட்டு கொள்கின்றனர்.

அந்த கொள்ளையர்களிடமிருந்து எப்படி தப்பினார்கள் என்பதே Panic Room திரைப்படம்.

கொள்ளையர்கள் அந்த சொத்திற்காக வீடு முழுவதும் தேடி அலைகின்றனர். அவர்கள் தேடிவந்த சொத்து வீட்டின் எந்த பகுதியிலும் இல்லை. ஆனால் அந்த ரகசிய அறைக்குள் இருக்கிறது. அந்த அறையை வெளிப்பகுதியிலிருந்து என்ன செய்தாலும் திறக்க இயலாது. உள்ளே இருக்கும் தாயும் மகளும் நினைத்தால் மட்டுமே திறக்க இயலும்.

கொள்ளையர் மூவரில் ஒருவன் மிகவும் கருணையுள்ளவனாக இருக்கிறான். தாயையும் மகளையும் எக்காரணம் கொண்டு கொல்ல கூடாது என்கிறான். அவர்களுக்குள் சண்டை வருகிறது. இதில் எதிர்பாரமல் ஒருவன் இறந்தும் விடுகிறான்.

எப்படியோ தன் கணவனுக்கு தகவல் தந்து விடுகிறாள். அவனும் அவர்களை காப்பாற்ற வந்து கணவனும் கொள்ளையர்களிடம் சிக்கி கொள்கிறான்.

அவர்கள் கொள்ளையடிக்க வந்தது என்ன..?யார் வெற்றி அடைந்தார்கள்.? தாயும் மகளும் மீட்க பட்டார்களா..? கொளையர்கள் பிடிபட்டார்களா என்பதே இரண்டு மணி நேர Non stop சஸ்பென்ஸ் திரில்லர் திரைப்படம். வெளிவந்தது 2002.

Jodie Foster நடிப்பில் இது ஒரு Master Piece.

சஸ்பென்ஸ் & திரில்லர் விரும்பிகள் கண்டிப்பாக பார்க்க வேண்டிய திரைப்படம்.

Don't Miss it

Posted by butterfly Surya