CINDERELLA FORMULA

இக்கார்ஷி கணிதங்களை சுலப வழியில் கற்றுதரும் மிகச்சிறந்த பயிற்ச்சி ஆசிரியர்.

கல்வி பயிற்ச்சி பள்ளியை தனது நண்பன் ஒருவனுடன் கூட்டாக நடத்தி வருகிறார். அதில் படிக்கும் பலர் பணக்கார மாணவர்களே.

ஒரு நாள் மருத்துவமனையிலிருந்துவீடு திரும்பும் போது பதினாறு வயதுள்ள
மகி என்ற பள்ளி மாணவியை சந்திக்கிறார்.அவள் கடைக்காரரிடம் சில்லறை யென்னுக்காக சர்ச்சையில் ஈடுபட்டிருப்பதை பார்க்கிறான் இக்கார்ஷி.

அவளை பற்றியும் அவளின் கணக்கு அறிவையும் தெரிந்து கொள்கிறான்.
அவளுக்கோ படிப்பின் மீது தீராக்காதல். ஆனால் அவளோ குடும்ப சூழ்நிலை காரணமாக பள்ளி படிப்பை பாதியில் நிறுத்திவிட்டதையும் அவளின் தாயையும் கவனிக்க வேண்டிய பொறுப்பும் உள்ளதாக கூறுகிறாள்.

அவள் வாழ்க்கை இலட்சியமே எப்படியாவது டோக்கியோ பல்கலைகழகம் நடத்தும் நுழைவு தேர்வில் வென்று பட்டபடிப்பை படிக்க வேண்டும் என்பது.


தாயோ சிறு சிறு திருட்டுகளை செய்து ஒரு கட்டிங் சாப்பிட்டு வீடு சேரும் நல்ல கேரக்டர்.

மகளிடம் ""இந்த படிப்பு ஆசைய அடியோடு மறந்துட்டு ' உன் அழகை வைத்து நீ எவ்வளவு வேண்டுமானாலும் சம்பாதிக்கலாம்": என்று அட்வைஸ் பண்ணுகிறாள்.

டோக்கியோ பல்கலைகழகம் நுழைவு தேர்வு அவ்வளவு எளிதானதல்ல. கடுமையாக இருக்கும் என்றும் அதற்கு பயிற்ச்சியும் உழைப்பும் தேவை என்பதை அறிந்தும் தன் வாழ்க்கை சூழ்நிலையாலும் எந்த பொறுப்பும் அக்கறையுமற்ற தாயை நினைத்து நொந்து கொள்கிறாள்.

இக்கார்ஷிக்கு இந்த பெண்ணுக்கு உதவ வேண்டும் என்ற எண்ணம் மேலோங்கவே தான் இதுவரை கண்டுபிடித்த நுண்ணிய கணித பயிற்ச்சி முறைகளையும் அவளுக்கு இலவசமாக சொல்லி கொடுக்க முடிவெடுக்கிறான்.

மகி ஆனந்த பரவசம் அடைகிறாள். ஆனால் அவள் வசிக்கும் இடத்தில் தாய் சம்மதிக்க மாட்டாள் எனவும் இக்கார்ஷியின் இடத்திற்கு வரவும் விரும்பவில்லை எனவும் கூறுகிறாள். அது தவிர பயிற்ச்சி கட்டணமாக ஏதாவது பெற்று கொள்ள் வேண்டும் எனவும் வற்புறுத்துகிறாள்.

அனைத்திற்கும் சம்மதித்து இகார்ஷியின் நண்பன் ஒருவரின் சிற்றுண்டி கடையில் தினமும் மாலை அவளுக்கு டியூஷன் ஆரம்பமாகிறது.


ஒவ்வொரு நாளும் ஒரே ஒரு டிப்ஸ் மட்டுமே சொல்லி கொடுக்கிறான் இக்கார்ஷி. மகியோ மகிழ்ச்சியாலும் படிப்பின் மீதுள்ள ஆர்வத்தாலும் நிறைய டிப்ஸ் கேட்கிறாள். ஆனால் இக்கார்ஷி தான் சொல்லும் ஒவ்வொரு டிப்ஸையும் முழுவது புரிந்து கொண்டு பொறுமையாக கடைபிடித்தால் மட்டுமே வெற்றி உறுதி எனவும் கூறுகிறான்.

இது நாள் வரை எவ்வளவோ பணகார மாணவர்களுக்கு போதித்து நிறைய பணம் சம்பாத்திதை விட மகிக்கு சொல்லி கொடுப்பதே மனதிற்கு மகிழ்ச்சியும் ஆத்ம திருப்தியும் உள்ளது என்று சொல்லி நண்பனின் நிறுவனத்திலிருந்தும் விலகுகிறான்.

மகிக்காக நிறைய நேரம் செலவிட்டு நுழைவு தேர்விற்க்காக பல வித

புதிய வழி முறைகளையும் கண்டுபிடிக்கிறான். இக்கார்ஷியின் உடல் நிலை மோசமாகிறது. வாலிப பருவத்தில் ஒரு வித போதைக்கு தான் அடிமையாயிருந்ததை மருத்துவரிடம் கூறுகிறான். அப்போதைய அந்த பழக்கத்தால்தான் அவன் உடல் நிலை மோசமாகி விட்டதையும் அவன்

மரண தேதியையும் குறித்து விடுகிறார் மருத்துவர்.

தேர்வு நாள் நெருங்குகிறது. மகியிடம் தனது உடல் நிலை பற்றி கவலலப்படாமல் அவளுக்கு எல்லாவித மான நுணுகங்களையும் கற்றுதர அவளுடன் மிகுந்த உற்சாகத்துடன் தேர்வெழுதுகிறாள். வெற்றி செய்தியுடன் வரும் நாளில் இகார்ஷி உயிர் பிரிகிறது.

ஆனாலும் அவள் தேர்வில் கண்டிப்பாக வெற்றி பெறுவாள் என தனக்கு தெரியும் எனவும் "இது முடிவல்ல ஆரம்பம்" என அவன் வழக்கமாக

டிப்ஸ் தரும் துண்டு அட்டை போல எழுதி வைத்து விட்டு போனதை எண்ணி கலங்குகிறாள் மகி.

இப்படத்தின் இயக்குநர் Hideki WADA. இவர் வெறும் இயக்குநர் மட்டுமல்ல. ஒரு மனோத்தத்துவ மருத்துவர். நிபுணர்.

இக்கதையில் வரும் இக்கார்ஷி போல ஒரு பிரபல பயிற்ச்சி பள்ளியில் வேலை பார்த்தவர். .

பள்ளி மாணவர்களின் முன்னேற்றத்திற்கும் அவர்களை பாடங்களையும் தேர்வுகளையும் எதிர் கொள்ள வேண்டிய முறைகளை மிக அழகாக பல புத்தகங்களை எழுதியுள்ளார். அது தவிர ஜப்பானில் பல தொலைகாட்சிகளிலும் மாணவர்களுக்காக பல பயனுள்ள நிகழ்ச்சிகளையும் தருகிறார்.

தனது வாழ்க்கை அனுபவங்களை திரப்படமாக எடுத்ததும் இல்லாமல் பல வித துறையில் உள்ளவர்களும் திரைபடங்கள் மூலம் நல்ல கருத்துகளை மக்களுக்கு சென்றடைய செய்ய வேண்டும் என்ற நல்லெண்ண்ணத்தில் சிறந்த திரப்படங்களை எடுக்க பண உதவியும் செய்பவர்.

திரைப்பட ஸ்டில்களை காண Enter

இத்திரைப்படம் பார்த்ததும் பதின்ம வயது பள்ளி / கல்லூரி மாணவ மாணவிகளையெல்லாம் வைத்து தமிழில் எப்படியெல்லாம் படமெடுத்துள்ளார்கள் என்பதை நினைத்து பார்த்து வெட்கப்பட்டேன்...

Posted by butterfly Surya