Fire House Dog

ரெக்ஸ் என்ற நாய்தான் இத்திரைப்படத்தின் கதாநாயகன். என்ன ஆச்சிரியமாய் இருக்கிறதா..? ஆம்..அப்படிதான் சொல்ல வேண்டும்..

ஒரு சிறுவனின் வாழ்க்கையில் ஒரு நாய் ஏற்படுத்திய மாற்றமும் அவர்களின் அழகான அன்பும் ஆழமான நட்பும் தான் மிகச்சிறந்த குடும்ப திரைப்படமான Fire House Dog

வீர சாகசங்களும், விளையாட்டுகளும் செய்யும் ரெக்ஸ், ஹாலிவுட் திரைப்டங்களிளும் விளம்பர பட ங்களிலும் நடிக்கும் ஒரு நாய். அதை ஒரு பொக்கிஷமாக வைத்திருக்கும் அதன் முதலாளி அதை மிகவும் அன்போடு குடும்பத்தில் ஒருவராக பராமரித்து வருகிறார்.


குடும்பத்தில் ஒருத்தராக போற்றப்பட்ட ரெக்ஸ் ஒரு எதிர் பாராத திரைப்பட படப்பிடிப்பில் விமானதிலிருந்து விழுந்து விடுகிறது. அனைவரும் அது இறந்து விட்டதாகவே எண்ணி கண்ணீருடன் அதற்கு இறுதி சடங்குகளும் செய்து விடுகிறார்.


ஆனால் விமானத்திலிருந்து விழுநத ரெக்ஸ் தெரு நாய்களுடன் சுற்றி வருகிறது. இதை ஷேன் என்ற 12 வயது சிறுவன் கண்டெடுக்கிறான். அவனது தந்தை ஒரு தீ விபத்து அதிகாரி. ஷேனும் அவனது தந்தையும் ரெக்ஸின் உண்மையான உரிமையாளரை கண்டுபிடிக்க முயல்கின்றனர். முடியாமல் போகவே அதற்கு ஒரு புதிய பெயரிட்டு வளர்க்க ஆரம்பிக்கிறார்கள்.

இந்த அதிசிய நாயின் வரவால் ஷேனுக்கும் வாழ்வில் ஒரு வித பிடிப்பு ஏற்பட்டு விடுகிறது. அதை மிகவும் அன்புடனும் ஆழ்ந்த நட்புடனும் பராமரிக்கிறான்.

தீயணைப்பு அதிகாரியான ஷேனின் தந்தைக்கு பல வழிகளில் உதவி அந்த தீயணைப்பு குழுக்களில் ஒன்றாகி விடுகிறது ரெக்ஸ்.

எதிர்பாரதவிதமாக ஷேனின் குடும்ப சொந்தங்களில் ஒருவர் சந்தேகத்திற்கு இடமான முறையில் இறக்கிறார். ரெக்ஸின் துணையோடு அதையும் கண்டு பிடிக்கிறான் ஷேன்.

பத்திரிகைகளில் செய்தி வெளிவரவே ரெக்ஸின் புகழ் மீண்டும் ஊர் முழுக்க பரவுகிறது. வந்தது வினை. அதன் உண்மையான உரிமையாளர் வந்து விடுகிறார்.

ரெக்ஸை பிரிய மனமில்லாமல் வாடுகிறான் ஷேன்.

தீயணைப்பு குழுக்களில் ஒன்றாகி பல வித சேவைகளை செய்து வரும் ரெக்ஸ், ஷேனின் இருப்பதே சிறந்தது என்று உணர்ந்த அதன் உரிமையாளர் அவனிடமே விட்டு விட்டு செல்ல முடிவெடுக்கிறார்.

சொல்ல முடியாத ஆனந்ததில் குதிக்கிறான் ஷேன். மீண்டும் தன் பயணத்தை தொடர்கிறது ரெக்ஸ். சுபம்.

இதுவும் குழந்தைகளுக்கேற்ற மிக சிறந்த திரைப்படம். வெளி வந்தது 2007.

நாய் செய்யும் சாகசங்களும்,விளையாட்டுகளும் குழந்தைகளை மகிழ்ச்சியூட்டும்.

ஷேனாக நடித்த சிறுவன் குழந்தை நட்சத்திரத்திற்க்காக பல விருதுகளை வென்ற Josh Hutcherson.

அனைவரும் பார்க்க வேண்டிய திரைப்படம்.

Don't Miss குட்டீஸ் ....

Posted by butterfly Surya