Turn Left at the End of the World

உலகத்தின் கோடிக்கு சென்று இடது கை பக்கம் திரும்புக அப்படின்னு அழகான தமிழ் பெயர் வைக்கலாம். ஏன் நீங்களும் இப்படி உண்மையா மாறிட்டிங்க ?? ன்னு தம்பி பாலா ஹாலிவுட்லேந்து கோவிப்பான்.



அதானால ஆங்கில பெயரான Turn Left at the End of the World அப்படின்னு அதையே வெச்சிட்டேன்.

மேலே உள்ள படத்தை பார்த்து ஏதோ லெஸ்பியன் அயிட்டமாக இருக்கும் என்று நினைத்து படிப்பவர்கள் ஏமாற வேண்டாம். நிச்சயமாக அது இல்லை.



பின்னே என்ன கதை? அப்படின்னு கேட்டாதனாலேயே சொல்றேன்.



1960களில் இஸ்ரேலில் நடந்த உள்நாட்டு குழப்பங்கள் அடங்கிய பிறகு எண்ணற்ற தொழில் மற்றும் வேலைவாய்ப்பு இருப்பதாக நம்பி குடியேறிய பல இந்திய குடும்பங்களில் ஒரு இந்திய குடும்பத்தை மையமாக கொண்ட கதைதான் இந்த இஸ்ரேலிய மொழி திரைப்படம்.

நம்ப வீட்டில் கரண்ட் கட் ஆனதும் பக்கத்து வீட்டை எட்டி பார்க்கும் இந்திய குடும்பங்களை பற்றி சொல்லவா வேண்டும்..?? ( எவ்வளவு நல்லெண்ணம் )

நடு இரவில் குடியேறி இந்திய குடும்பத்தினர் பால் காய்ச்சி சாப்பிடாச்சு.

கதை இங்கிருந்துதான் நகருகிறது..

பக்கத்து வீட்டில் குடியிருப்பது ஒரு மொராக்கோ யூத குடும்பத்தினர். இந்தியர்கள் என்றாலே கறுப்பினம் என்றும் மட்டமானவர்கள் என்று நினைக்கும் மனதுடையவர்கள். அவர்களின் பதின்ம வயது பெண் நிக்கோலே. நம்ம இந்திய குடும்ப பதின்ம வயது பெண் சாரா. இருவரும் ஒரே பள்ளியில் சேருகின்றனர்.

சாராவுக்கு டைரி எழுதும் பழக்கமுண்டு. சதா எல்லாவற்றையும் டைரி எழுதி தள்ளுகிறாள். இதை கேலியும் கிண்டலும் செய்கிறாள் நிக்காலே.

ஆனால் நிக்காலேவின் வயது கோளாறால் புதிதாக வந்துள்ள ஆசிரியரை காதலிக்கிறாள். இதை கண்டிக்கிறாள் சாரா. அவளையே நினைத்து உருகும் ராமராஜன் கணக்காக இருக்கும் முறை மாமனையே மணப்பதேநல்லது என்றும் கூறுகிறாள்.

துவைத்த துணியை கொடியில் காயப்போடுவது முதல் இருவரது அம்மாகளுக்கும் சிறு சிறு சண்டைகள். ஒருவருக்கு மற்றவர் மொழி தெரியாமல் சிரித்து கொண்டே திட்டி கொள்வதும் பிறகு ஹிப்ரூ மொழியும் ஆங்கிலமும் கலந்து பேசி கொள்வதும் தினசரி வாடிக்கை.

நிக்கோலேவின் அப்பாவிற்கு நடனமும் கிரிக்கெட்டும் தான் பொழுது போக்கு. சாராவின் அப்பாவும் இவரும் நல்ல நண்பர்களாக பழகுகின்றனர்.



இந்த குடியிருப்பில் எல்லா அப்பாக்களும் பக்கத்தில் உள்ள தொழிற்சாலையில் தான் வேலை செய்கிறார்கள்.

அதே குடியிருப்பில் மாடியில் வசிப்பவள் சிமோன். அவள் ஒரு இளம் விதவை.. அவளை கண்டால் எவருக்கும் பிடிக்காது. அவளுக்கோ இந்தியர்கள் என்றால் கொள்ளை ஆசை. ஏன்னா காமசூத்ரா எழுதியது இந்தியர்கள் தான். அவர்களுக்கு எல்லாம் தெரியும். அதுவும் அந்த விஷயத்தில் அவர்களை மிஞ்ச முடியாது என்று நிக்கோலேவிடம் சொல்லவே சாரா மீது மதிப்பும் நட்பும் உண்டாகி விடுகிறது.

சிமோனுக்கு சாராவின் தந்தை மீது எப்போதும் ஒரு கண். அவரிடம் நடனம் பயில விரும்புகிறாள். தொழிற்சாலையில் கேரளா வழக்கம் போல ஊதிய உயர்வு கேட்டு ஸ்டைரக் நடக்கிறது. பிழைக்க வந்த இடத்தில் இதெல்லாம் தேவையா என்கிறார் சாராவின் அப்பா. அவர் பேச்செல்லாம் எடுபடவில்லை.

எதற்கும் மசியாது கேட்டை இழுத்து மூடுகிறார் முதலாளி. வேலை இழந்த யூதர்கள் கால் பந்தும், இந்தியர்கள் கிரிகெட்டும் ஆடி பொழுதை கழிக்கின்றனர். சாராவின் தந்தை அனைவருக்கும் கிரிக்கெட் கற்று தருகிறார்.

சிமோனும் சாராவின் அப்பாவும் மிகவும் நெருங்குகின்றனர். இந்த மேட்டர் குடியிருப்புகளில் அரசல் புரசலாக தெரிய ஆரம்பிக்கிறது

ஒரு ஸ்டேஜ்ஜில் நெருக்கம் அதிகரித்து வாத்சாயனரை பற்றி விக்கி பீடியா எழுதும் அளவிற்கு சென்று விடுகின்றனர்.

நிக்கோலாவிற்கும் ஆசிரியர் மீதுள்ள காதல் எல்லை மீறுகிறது. நிக்கோலாவின் தாய் ஏற்கெனவே தீராத நோயினால் துன்ப படுகிறாள். மகளின் போக்கையும் கண்டிக்கறாள். உன் பழைய பெருமையெல்லாம் எங்களுக்கு தேவையில்லை.. என் இஷ்டப்பபடிதான் நான் இருப்பேன் என சண்டை போடுகிறாள் நிக்கோலா.

நிக்கோலா, சாரா இருவரும் ராணுவ பயிற்ச்சியில் மேல் படிப்பு படிக்க வெளியூருக்கு விண்ண்ணப்பிக்கின்றனர். கண்டிப்பாக அனுப்ப மாட்டேன் என்று சாராவின் தாய் மறுக்கிறாள்.

நிக்கோலாவின் பருவ கோளாறு என்று முதலில் மறுத்த ஆசிரியரே பிறகு சத்யராஜ் ஸ்டைலில் அல்வா கொடுத்து விட்டு கிளம்பி விடுகிறார்.



தன் மகளுக்கு விஷயம் தெரிந்து அவள் நொந்து போனதால் தன் தவறை உணர்ந்து சாரா அப்பா சீமோனிடம் இருந்து மெல்ல விலகுகிறார்.

நிக்கோலா தாயின் உடல் நிலை முற்றி இறந்தும் போகிறாள்.
நித்தம் சண்டையிட்ட சாராவின் தாயுடன் குடியிருப்பு முழுவதும் சோக
மயமாகிறது.

குடும்ப சூழ்நிலையையும் தன் நிலைமையும் எண்ணி வருத்தப்பட்ட நிக்காலே மேல் படிப்பை மூட்டை கட்டுகிறாள். அதே நேரத்தில் தன் விருப்பப்படி தாயின் சம்மதத்தோடு சாரா மேல் படிப்புக்காக பயணிக்கிறாள்.

முதலில் வெறுத்த சாராவை தோழியுடன் மேலான சகோதரியாக நினைத்து நினைத்து உருகுவதுடன் இந்தியர்கள் எவ்வளவு இனிமையானவர்கள் என சந்தோஷமும் அடைகிறாள் நிக்காலே.




புது அரசின் தலையீட்டால் மூடிய தொழிற்சாலையும் திறக்க படுவதுதாக நல்ல செய்தி வருகிறது.



நிக்காலேவும் ராமராஜனும் .. Sorry.. முறை மாமனும் இணைகின்றனர்.



பருவ வயது பெண்களுக்கு ஏற்படும் உடலும் மனம் சார்ந்த மாற்றங்களையும் அவர்கள் மனதில் அன்பு, பாசம் ஏக்கம், காதல், உணர்ச்சி எப்படியெல்லாம் சுற்றி உழல்வதையும் நகைச்சுவையுடனும் ஆழ்ந்த கருத்துகளுடனும் தந்திருக்கிறார் இயக்குநர் Avi Nesher. இவர் பல ஹாலிவுட் படங்களில் பணியாற்றியவர் என்பதால் சில காட்சிகள் தாராளம்.


சந்தர்ப்பம் கிடைத்தால் நிச்சயம் பாருங்கள்.

Posted by butterfly Surya